إعلان هام .... مطلوب عروسة

اعلان هام ........مطلوب عروسة

بس المطلوبة بمواصفات عالمية و مدروسة
اولا تبعتلنا الطول و العرض و المقاسات تكون بالبوصة

متكنش رغاية و زنانة زى الناموسة
موهبتها فى الطبخ تكون عالية و محسوسة
جميع الاصناف و خصوصا البامية و محشى الكوسة
تكون حاصلة على دبلومة معتمدة فى عمل البطاطس المهروسة
تكون حاصلة على ماجستير فى صناعة الكنافة و البسبوسة

تجيد لعب الطاولة امريكانى و محبوسة
و تجيد حل الكلمات المتقاطعة افقى و راسى و معكوسة
و ذلك لقضاء اوقات فراغها علشان متوجعيش دماغى يا ننوسة

مسمعش صوتها غير مرة كل ست شهور و يفضل تكون خارسه
و فى المستقبل هحاول الغلها الحواس الخمسة
تجيد اللغات الانجليزية و الالمانية و اليونانية
و ذلك لتنظيم علاقاتى الاجتماعية
تكون حاصلة على ليسانس فى الفصال قسم التعامل مع الفكهانية
و ذلك للحفاظ على الحالة الاقتصادية

تكون قضت فترة طفولتها عند الميكانيكية
لان يمكن احتاجها فى تصليح العربية
تجيد التعامل مع جميع ادوات النظافة و خصوصا المكنسة الكهربائية

تتخلص من جميع العقد و الصفات النسائية
لا تهتم بنفسها علشان مش ناقصة مصاريف على الادوات التجميلية
لا تاكل اكثر من سبع و جبات اسبوعية

ممنوع بتاتا شرب جميع المشروبات الغازية
سيتم الكشف عليها و ذلك للتاكد انها تخلو من جميع الامراض المعدية
السن غير محدد انا يهمنى بس الحالة الصحية

يرجى احضار جميع الشهادات المذكرة اثناء المقابلة الشخصية
و ذلك يوم الاثنين الساعة 1 ظهرا فى ميدان العباسية
و انا عارف ان الجو هيكون حر و لكن ذلك لاختبار تحملها للطاقة الشمسية
يرجى سرعة الحجز و ذلك للاقبال الشيد على هذة الفرصة الخيالية .....

عندي ليك عروسه يا واد يا كوكو جميله جدا جدا بس بمواصفات احلي من دي اسمها كمان سحالف

هههههههههههههههههههههه
ياريت يا سامح لو لقيت عروسه بالمواصفات دى تبقى تقولى هههههههههههههه

ميرسى لمرورك يا باشا

ايه ده يا عم ماجد انت بتتنتقم منى ولا ايه ملقتش غير سحالف
حرااااااااااااااااااااااااااااااااام عليكى والله يا ماجد
وبعدين انت عارف دى عروسه واحد صحبك هههههههههههههههههه

ميرسى لمرورك الجميل ده يا جودا وربنا يخليلك سحالف ههههههههههههههههههههههههه