الحلقه السادسه من كرسى الاعتراف

اهلا بيكى يا رينا منورنا ومنوره كرسى الاعتراف


يلا نبدا الاسئله



-اسمك وسنك من البطاقة الشخصية؟
2--انتى خادمة ولا لاه؟
3-لو شخص ما جرحك وكان الشخص ده عزيز عليك ايه رد فعلك؟
4-رشحى لنا بعض من اعضاء المنتدى ليصلحو للمهن الاتيه:
كوميديان مصر الاول
موظف حكومى
مدرس
صحفى
عضو مجلس شعب
ممثل او ممثله
قائد طائره
محامى
دكتور نفسى
5-توصفى مين من الاعضاء بالصفات ده :
البرنس
الشاعر
عديم المسئولية
مشاغب
وسيم
دمو خفيف
محترم
جدع
بتحب ردوده في المواضيع
مخو كبير
بتاع مشاكل
نشيط
عضو مميز بس مش مشهور
عضو عسل
عضو في حاله
6-كلمه توجهينها لكل من :-

(( الإداره - المشرفين - الأعـضاء ))

7-عايزين حضرتك تدلنا نبذة مختصرة على الناس دي:
افا كاراس
هايدى كاراس
بهاء يعقوب
نوسه
رينا
دودى
كوكو
8-مين اكتر واحد فى المنتدى نفسك تضربيه؟واكيد طبعا هاتبقى مضايقه منه اوى
9-مين الي انتي بترتاحي لما تشوفية ومين اول واحد متعرفي انة جاي تخدي نفسك وتمشي؟
10-اوصفى نفسك فى كلمه؟



ونكتفى بهذا القدر من الاسئله

وفاااااااااااااااصل ثم نوااااااااااااااصل

شكرا اووووووووووووووووووووووووووى وبجد سعيده انى معاكم
ومش قادره اوصف ايه حاصلى لما شوفت ربنا ما يوريه لحد ابدآ



طبعا سامح فرحان اخر فرح ووقت الانتقام جيه خلاص وبقولك جهز برحتك واكيد الايام بيننا

ونقول ويلا بينا نبدأ الاجابة:_


1- اسمى: إيرينى مجدى
وسنى :فى شهر 10اكمل 19سنة

2-انتى خادمة ولا لاه؟


-أة بخدم وخدمتى اعدادى

3-لو شخص ما جرحك وكان الشخص ده عزيز عليك ايه رد فعلك؟


-اكيد طبعا هضايق جدااااااااااا بس ردى فعلى مش عارفة بالظبط لانه هيكون حسب الموقف
4-رشحى لنا بعض من اعضاء المنتدى ليصلحو للمهن الاتيه:
كوميديان مصر الاول:
نوســة كوميديانة فظيعة
موظف حكومى:
بهـــاء
مدرس:
سامــــح
صحفى:
ماريان اظن انها صحفيه جامدة
عضو مجلس شعب:
انت يا كــوكـــو
ممثل او ممثله:
ســـارة
قائد طائره:
أبرام اخويا
محامى:
نمــنمـة
دكتور نفسى:
دوناااااااا عمرى اكبر دكتورة نفسية بتريحنى اوووى

5-توصفى مين من الاعضاء بالصفات ده :
البرنس:
سـامـــــح
الشاعر:
اى حد كلامه جميل وكويس وطالع من القلب فعلا
عديم المسئولية:
أى حد مش بيقوم بالواجب اللى عليه بجد يبقى عديم مسئولية
مشاغب:
مفيش حد فى بالى
وسيم:
نخليهم 2المعلم بولا وكمان بيرو
دمو خفيف:
نوســـة
محترم:
روجيناااا
جدع:
مرمورة
بتحب ردوده في المواضيع:
بحب اى حد بيرد فى اى موضوع لاى حد لانه كدة بيشجعه وبيساعده انه يكتب وميكسلش انه يضيف جديد

مخو كبير:
دونااا كبير اوووى
بتاع مشاكل:
مظنش فى حد
نشيط:
نرمين بنت عمى
عضو مميز بس مش مشهور:
روما اللى هو رومانى
عضو عسل:
مااااارو
عضو في حاله:
مارفى سكره كدة وفى حالها

-كلمه توجهينها لكل من :-
الإداره :
اكيد طبعا لازم اشكرها على المجهود الجامد جدااااااااا وطبعا نرجو المزيد
المشرفين:
طبعا بشكرهم جدا وبقولهم ياريت نعمل نشاط احسن
الأعـضاء:
بقولهم المنتدى هيكون احلى بيكم طبعا وبالمواضيع الجديدة
وطبعا انتو احلى اعضاء بجد واحلى منتدى كمان

7-عايزين حضرتك تدلنا نبذة مختصرة على الناس دي:
افا كاراس :
النشاط كله وخدوم اووووى وفرح كتير فى ظأظأ وكمان كل يوم بيصحى الفراخ
هايدى كاراس:
موضيعها حلوة اوى انا معرفهاش اوى بس بجد بحترمها جدا
ويارب تكون بخير لانى مش بشوفها كتير
بهاء يعقوب:
انا مش عارفه اوى بس اكيد طيب وجدع واكيد هو يعرف نفسه اكتر منى

نوسه:
دى بقى سكر وعسل المنتدى ربنا يحميها يارب
رينا:
نوووو كومينت *ولا حاجة طبعا*

دودى:
قمرة وعسولة اووى ورقيقة من ردها
كوكو:
خفيف الدم يا كوكو طبعا فظيع فى الاسئلة اعتقد مش مغرور خالص صح ولا ايه

8-مين اكتر واحد فى المنتدى نفسك تضربيه؟واكيد طبعا هاتبقى مضايقه منه اوى؟
لالالالالالالالالالالا مفيش حد خالص

9-مين الي انتي بترتاحي لما تشوفية ومين اول واحد متعرفي انة جاي تخدي نفسك وتمشي؟
برتاح اوووووووى لما بشوف اب اعترافى واتكلم معاه وكمان دونااا
لا مش بحب امشى لو حصل ممكن اسلم وشوية واستأذن وامشى

10-اوصفى نفسك فى كلمه؟
اوصف نفسى فى كلمة دى صعبة لانى مش شايفة اى حاجة حلوة

يلا مستينه الباقى بســرعة قبل النت ما يفصل عندى

تاااانى

ونكمل مع سامح ونقوووووووول


1_ هل غدرتي بحد تعرفية قبل كدة او ظلمتية ولا لاء ؟
غدرت بحد لا مش بحب الغدر بس ممكن اكون ظلمت لان مفيش حد مش بيقع فى الموضوع دا


2_ مين هو شفيعك أو شفيعتك ؟
حبيبتى طبعا ام النور
وكمان تماف ايرينى والقديسة دميانة والقديسة مارينا
شفيعى البابا كيرلس ومارمينا وابوسفين وابونا عبد المسيح والانبا كاراس والانبا يسطس ومارجرجس والملاك ميخائيل وكمان الانبا انطونيوس والانبا بولا وكتير بجد مش عايزة انسى حد


3_ من هو اكتر عضو بتحسي انة يستحق ياخد لقب ابن الانبا كاراس
مش تختاريني في السؤال؟
كلكم ابناء الانبا كاراس


4-عند استقبالك لخبر غير سار ياتري بيكون رد فعلك الإنهيار واللا بتتعامل مع الموقف بحكمة؟
بضايق جدا وبتأثر بس بحاول اتمالك اعصابى حسب الموقف



5-اهي أكلتك المفضلة ولونك المفضل وهوايتك هل بتحبي كمان الفراخ ولا لاء ههههههههههه
بمووووووووووووووووووووووووت فى الفراخ
لونى المفضل الاسود وكام لون كدة
هواياتى الطايرة وكرة القدم بس اكيد مش بلعبهم مع شوية قراءة ورسم وكتابة لما اكون مضايقة



6-لو قلنا للزمان ارجع يازمان كنت تحب تعمل ايه وماتعمليش ايه
كنت احب اذاكر اكتر علشان كنت دخلت كلية احسن
مااعملش ايه مش عارفة بالظبط فى كتير


7-ايه اكتر موقف ضحك في حياتك وايه اكتر موقف أبكاك
اكتر موقف ضحكنى موقف الفراخ

واكتر موقف بكااانى وفاة بابا


8_ ربنا طبعا مابيتخلاش عن حد لكن امتي انت حسيت ان ربنا اتخلي عنك

بحس انه بيتخلى عنى لما بكون فى لحظة ضعف جامدة



9_ ماوصفك لهذه الصفات في كلمة
الأمانـــة :اجمل صفة

الغرور:سقـــوط

الـشــك:هــــدام

السرقة:هروب مع فشل مع ضعف

الخداع:كلمة صعبة


الثقة بالنفس:حلوة طبعا بس بحدود


التضحية:مثال للسيد المسيح اعظم ما فى الدنيا


10_ ماهي أمنيتك بالحياة ؟
اقرب من ربنا اكتر واكتر

11 _ ماهي حكمتك في الحياة ؟

طبعا الحياة تجارب اهم حاجة نحتملها ونثق فى ربنا ووعوده
وبحس انها يوم ليك ويوم عليك يمكن غلط
بس بحس اكتر انها حلوة واحنا اللى بنعقدها
وبنفتكرها مش كويسة لما بتيجى علينا تجارب صعبة
بس بتبقى صعبة اووووى لما بيكون فى فراق لاعز الحبايب


12-اية اكتر قسم بتحبة فى المنتدى؟
بصراحة المنتدى كله

13-مين اكتر ( عضو ومشرف ) نشيط فى رأيك
نمنمة بمواضيعها الجميلة جدااااااا

14--اية اكتر حاجة بتزعلك من المنتدى
اكتر حاجة بتزعلنى لما بيكون فى ادينا نرد على المواضيع ومش بنرد بنطنش يعنى ومش بنقول رأينا فى المواضيع اللى عايزة نقاش بجد مش بنشجع الاعضاء بمعنى اصح


15-اكتب كلمة توصف بيها كلا من (كوكو-بهاء-دونة-مرمورة-نمنمة -سارة-نوسه- سامح)
كوكو: دكتور فى الضحك

بهاء:نقول واضح شوية

دونا:عمــــرى انا*مرايتى*

مرمورة: حبيبتى ونشيطة جدا

نمنمة:رائعة بجد فى كل حاجة

سارة: سكره ودمها خفيف


نوسة: دلوعة المنتدى


سامح :فنان طبعا بتاع الفراخ ده عارفاه انت


شكرا يا سامح لتعبك

نلتقى فيما بعد

ميرسى ليك يا سامح كتير
بجد كلام مستحقهوش بجد فعلا
ربنا يعوض تعب محبتك

اتفضل الوجبة بتاع كل مره فراخ كالعادة

ميرسى كتييييير يا رينا على اجابتك الجميله دى


ومنتظرين اسئله باقى الاعضاااااء

حلو الاسئله دى وكمان ردودك حلوة اوووووووووووى يا رينا بجد اللى اقدر اقوله عنها انها غريبه اوى زى مثلا ما عمرها تظلم حد الا لم تعرف الحقيقه ولم بتعرفها بتسامح وبجد رينا طيبه جدااااااااااا وهى بامانه قلبى وبموووووووووووووت فيها وربنا يخليهاااااااااااااااااااااااااااااااااااالى
وهى مبتعرفش تكرة حد ابدااااااااااا وبجد انا من غيرها مش كنت عارف هعمل ايه هى اللى بتنبهنى ايه الصح وايه الغلط ربنا يخليكى ليا تانى مرة وعلى طووووووووووووووول

ana kman mesh 3aref asal eh
enty kolek zae el amer ya marmora

ربنا يخليك ليا يا حبى وميحرمنيش منك ابدا يا ابرام
وبجد مستحقش منك الكلام كله دا ولا من اى حد

يا مرمورة انتى زى القمر زى ابرام ما قال
بجد طيبة جدا وحبوبة وسكر اصلا

بس مش بيعجبنى فيكى انك لما بتضايقى بتتنرفزى على طوووووول بتقلبى جدا

وكمان حاجة اطلعى من الاحلام وعيشى مع الواقع وافهمى كويس
بلاش خيال





:azzadw:

leh enty bgd elsfat de kolha feke
wbgd enty tsthle akter men kada

f3len zae ma rena alt wenty hapopa

ثانكس يا رينا ياحبيبى على كل الكلام ده اللى انا فعلا مستهلووووش
وبحاول اعمل بنصيحتك دى يا قلبى


وثانكس يا ابرام باشا على كل الكلام ده

يا سااااااااااااامح انت طيب جدااااااااااااا بلاش تقول يارتني ؟؟؟؟؟


واحنا كمان بنشكرك جدا علي محبتك لينا
بس ازاي تقول يارتني زيكم للدرجة دي وانت اطيب جدا جدا

بلاش تقول كدة تاني انت طيب جدا جداااااااااااااا مع اني معرفكش ولا شفتك لكن واضح

اما بالناسبة لاسئلتي لرينا حبيبتي
استعدي يا قمر

اول سؤال

نفسي اعرف اية هي حكاية الفراخ معاكي انتي وسامح هههههههههه هموت واعرف
الفراخ تصحي يعني اية
تاني سؤال
ما معني كلمة
تربتاتي اها اها تربتاتي اها ها عليكي انتي وسامح رموز غريبة مش فاهمها تحير هههههه

تالت سؤال ما معني الحب من وجهة نظرك وهل في طريقك قصة حب انتي عايشها ولا لاء لسة

رابع سؤال ما معني الغني والفقر في نظرك
خامس سؤال اوصفي شخصيتي يا قمر انا بالنسباليك شايفاني ازي

معلش يا حبيبتي طولت عليكي

el 3fo ea bash
el mohen enty 3mal eh?

bgd enta ya sameh taeb gdan wana mahzoz any at3rft 3lek

أولا: بجد يا سامح انت تستاهل كل حاجة كويسة بجد مش كلام وخلاص وربنا يعوضك فعلا على مجهودك

ثانيا:ميرسى يا ساره يا حبيبتى على الاسئله الصعبه اوى ويلا نجاوب

نفسي اعرف اية هي حكاية الفراخ معاكي انتي وسامح هههههههههه هموت واعرف
الفراخ تصحي يعني اية

(هههههههههههههههههه هقولك يا سارة فيما معنى الكلام لانى مش فاكره الموقف بالظبط
انى قولت حاجة لسامح تضحك شوية فا بيقولى هسسسس الناس هتصحى فا بقوله ايه ده مالهم نايمين بدرى كدة ليه زى الفراخ صح كدة يا سامح على قد ما افتكرت
بس دى كل الحكايه من ساعتها بقى واحنا معلقين عليها هههههههههههههههه)

تاني سؤال
ما معني كلمة
تربتاتي اها اها تربتاتي اها ها عليكي انتي وسامح رموز غريبة مش فاهمها تحير ههههههه

دى ياستى انطقيها كدة بموسيقا وشوفى هتبقى حلو ولا لا
قولى معايا تربتاتى اها اها تربتاتى اها اها


تالت سؤال ما معني الحب من وجهة نظرك وهل في طريقك قصة حب انتي عايشها ولا لاء لسة؟

معنى الحب من وجهه نظرى اجمل شئ فى الدنيا وطبعا مش شرط يكون بين اتنين بس لا هو اجمل شئ فى الدنيا طالما بنحب كل الناس أصدقاء واقرايب وطبعا الاهل ودا فعلا الحب اللى علمهولنا السيد المسيح خالى من أى شهوة

لا مفيش فى طريقى قصه حب هيبقى فيه طبعا لما ربنا يبعت والكلام يكون جاد يعنى مش حاجة بنعيشها ومش عارفين ايه نتيجتها فى الاخر

رابع سؤال ما معني الغني والفقر في نظرك؟

الغنى بالنسبه ليا مش مال وجاه والكلام ده لا بجد الغنى عندى هو غنى النفس
أما الفقر مش عيب ابدا لان الفقير العاقل بيكون غنى بالمسيح
وبعدين ممكن الغنى لو طايش فى تصرفه يخسر كل شئ
لكن الفقير لما يحط ربنا قدامه ويكافح اكيد هيكسب كتير
بحب الترنيمة اوى بتاع *زى العشار مش زى الفريسى انا قلبى اختار اكون زى العشار*

خامس سؤال اوصفي شخصيتي يا قمر انا بالنسباليك شايفاني ازي؟

انتى سكرة يا سارة طبعآ لو عرفتك اكتر اكيد هوصف اكتر من اللى انا شيفاه
بس باين عليكى كدة طيبة وحنينه ومحبوبة طبعا وكتير بقى

ميرسى جدا يا سارة ياحبيتى انا اللى طولت عليكى جدا

اهلا اهلا يا مارو يا حبيبتى
1/عرفينا بيكي بيناتك كلها
اسمى: ايرينى مجدى
عنوانى: انا فى بلد جنب بنى سويف
كليه آداب قسم فلسفة سنة 2 بس المفروض 3راحت عليا سنة علشان 8 ايام بس

2/بتصلي بانتظام ولا لاء
بصراحة بحاول وربنا يساعدنى ويساعدكم


3/ منتدي افا كاراس عاجبك ولا بتشاركي فية تضيع وقت فارغ
لالالالالالالالا المنتدى جامد جدا جدا ولو على تضيع الوقت فيه كتير اوى يضيع بس فعلا انا بدخله علشان استفاد

4/ اية اجمل حاجة شايفها في المنتدي واية اوحش حاجة
اجمل حاجة انى حاسه اننا كلنا قريبين من بعض وبنحب بعض جدا ويارب كدة على طول
اجمل حاجة برضو المنتدى كله على بعضه كدة روعة
اوحش حاجة لما بشوف ناس كاتبه مواضيع ومحدش بيرد عليها
غير كدة مفيـــش سامح مش مخلى كل حاجة حلو وعلى طول بيجدد

5/موافقاني علي ظلم المشرف العام والمراقبة العامة في طرد الاعضاء ولا لاء
هههههههههههههههههههههههههههه ايوة ولا
ايوة لو كانوا فعلا بيظلموا
لا علشان لو بيطردوا حد اكيد هيكون عمل حاجة ويستحق الطرد عليها
ميرسى جدا يا حبيبتى على اسئلتك

وفاااااااااصل ثم اوصل مع مشرفتنا العسولة رينا حبيبتي

هههههههههههههههههههههههههههههههههه
انا اتهريت يا جماعة ليكم يوم كلكم
طبعا بشكركم على الكلام الجميل والاسئله الصعبة اوى
واقولك انا بنت المهام الصعبة ويلا نجاااااااوب

ماااااااارفى داخله عليا جاااامد ونقووووول
1نحب نسئل رينا العسل ونقولها اية اجمل صفة فيكي واية واحش حاجة فيكي مش بتعجبك في نفسك
اجمل حاجة فيا مش شايفه حاجة جميلة
اوحش حاجة فيا كلى على بعضى

2 اختاري خمسة اعضاء من المنتدي قريبين جدا علي قلبك لازم يكونوا خمسة بس
ايه الاحراج دى بقى
طيب ماشى محدش يزعل منى هى اللى طلبت كدة
دونا
مرمورة
ابرام اخويا
نرمين
وكلكم ههههههههههههههه كدة 5

3 ثالث سؤال يا حبيبتي اية ربنا يسوع بالنسبة لرينا هل اله واب وبس والا اية
واصفي شعورك بربنا يسوع
شعورى بربنا اجمل شعور اولا شعور الاله اللى اتصلب علشانى وعلشان كل حد فينا وفدانا بدمه الغالى
ثانيا ابويا الحنين عليا اوى واللى مش مخلينى عايزة حاجة ابدا
كمان بحاول اتعلم منه كل حاجة علشان ارضيه
بجد فعلا الشعور بربنا فعلا مالهوش وصف ابدآ


4 اوصفي شعورك في الحالات دي

لما تتظلمي:اكيد بضايق بس بحاول وبقدر الامكان ادافع عن نفسى
لما تحسى بوحدة:لما بحس بالوحدة اوى بتخنق جدا لانها صعبه اووى
لما تشوفي غدر من اللي قدام: نشكر ربنا لسه مشوفتش غدر من اللى هو يعنى
ميرسى يا مارفى يا حبيبتى كتير اووووى الاسئله كانت جميلة

روجيناااااااا السكرة ونبدأ معاها ونجاوب ونقول
1/اية اجمل حاجة حصلت في حياتك: نشكر ربنا على كل حاجة بس فعلا اجمل حاجة *أب اعترافى ربنا يخليه ليا*

واية اوحش حاجة حصلت في حياتك: انا جاوبت على الئؤال ده يا جينا وقولت انا اوحش حاجة هى وفاة بابا


ربنا يخليكى انا ولا نشيطة ولا حاجة

2/اية رايك في الكسل هل بتحبية في حياتك ولا لاء
هتستغربى لو قولتلك انى كسيلة جدااااااااا بنام كتير اوووووى ومش بعمل حاجة خالص فى البيت ههههههههههههههههههههههه ماما زهقت منى خلاص فقدت الامل فيا هههههههههه

بس طبعا الكسل مش فى كل حاجة يعنى فى الخدمة مثلا بكسل لما بكون تعبانة
البيت علشان بنام
الخروج لانى مش بخروج كتير اصلا اتعودت على البيت
كتير يعنى متعديش بس كل حاجة بحدود

ميرسى يا روجينا كتير ربنا يخليكى يا حبيبتى انتى بترحمنى فعلا

دودى ازيك انتى يا حبيبتى انا تمام خالص بعد جرعه الاسئله

يلا اجاوبك بقى

هههههههههههههههههههههههههههههههههههههههه

1/ما هو سبب تكوين عصابة بينك مع مرمورة ضد سامح وبهاء ونمنمة وكوكو
وكمان مافي تبعكم ثلاثي مرح
هههههههههههههههههههه ثلاثى اضواء المسرح ههههههههههه
هى اتكونت لوحدها بس هما اكتر مننا بس يلا فى حزبين
حزب ايرينى
وحزب سامح
اللى شوفوا تحبوا تنضموا لمين
بس متخفوش من حزب سامح هو اه معاهم خاصيه طرد الاعضاء بس انتو فى حمايه ربنا وحمايتى
هههههههههههههههههههه

2/يارينا اية اللي بتحبية في غيرك وبيشدك لية
واية اللي بتكرهية في غيرك

بحب طبعا الشخصيه القريبه من ربنا علشان اتعلم منها وتفدنى
وكمان الشخصيه الصريحه جدااااا اللى تتعامل من غير لف ودوران

اللى بكرهه بقى هو الشخصيه الكدابه والحويطة جدا اللى تقنعك بحاجة وطلعت عكس الحاجة الحلوة تمامآ
منافقه يعنى

وميرسى ليكى يا دودى يا جميلة :azzadw:

ايوة يا معلم بولا قولهم ارحموا من فى الارض يرحمكم من فى السماء

هههههههههههههههههههههه
المشكله بقى فى الاسئله بتاع حضرتك انى فى ناس معرفهاش اوى بس يلا ربنا يقدرنى واعرف اخمن كويس


اوصفي لينا كل من:
مدير المنتدي: سامح بجد فعلا انسان طيب جدا واللى حسيته ان كل الناس بتحه ومجتهد اوى فى دراسته
وصدق اللى قال عليه فعلا فنان وكمان حاجة اكتشف فى نفسه انه بيعرف يهزر ويضحك ونشكر ربنا خليته يكتشفها
ههههههههههههههههه

المشرف العام: بهاء نشيط وطيب وشكله كدة اجتماعى

المراقبة العام: نمنمة دى النشاط نفسه وفعلا احساسها جامد جدا

وسارة: السكرة بتاعتنا عسل اوووى

وروجينا: رحيمة جدا رحمتنى من الاسئله الكتير وعسولة طبعا

ودوي اللي مدواخني في الالحان: اعتقد كدة زكية بس مش عرفت تفهم سر التربتاتى اها اها ولا الفراخ

ونوسه الطيبة: نوسة دى الدلوعة بتاعه المنتدى والشربات كمان ودكتورة فعلا فى خفة الدم

وكوكو طبعا خفيف الدم: طبعا كوكو صاحب الاسئله الصعبه جدااااااااا وزى نوسة دكتور فى خفة الدم برضو

ومارفي:حساسه وطيبة وعسولة

ومرومروة : بتفرح فيا كتير هههههههههههههه دمها خفيف ونشيطة جدا بتحب الوعظات اووى شخصيتها قوبة شوية مش كتير يعنى وخدومة جدا

وابرام اخوكي: حبيبى دمه خفيف برضو ذكى جدا مش بيحب المذاكره خالص وطيب جداااااااا بس بيقلب على طول عصبى جداااا شكااااااااااك اوووووى وكفايا عليه كدة

وانا: حضرتك الكل فى الكل
ميرسى كتير لحضرتك

اهئ اهئ اهئ اهئ واء واء واء واء

كل دا يا كوكو حرام عليك
انا هقوم امتى من على الكرسى

1-ايه اللي عجبك فالمنتدي ؟
- ايه رايك فى المنتدى دلوقتى وشيفاه ناقصه ايه؟
المنتدى كله تمام مش ناقص حاجة ولما بينقص او فيه حاجة
مش قوى بقول لسامح

3- نفسك تقولي لمين انا اسفه؟
لاى حد زعلان منى بجد وكمان أب اعترافى لانى تعباه معايا اوى
5-لو معاكي ورده هتديها لمين؟
اهديها لبابا الله يرحمه
6-ما هي المواصفات التي يجب ان تتوافر في شريك حياتك؟
طبعا يكون ابن ربنا بجد مش اى كلام مش اسم بس
وشخصية قوية وطبعا حنين وطيب ويحب كل الناس ويحب الخير ليهم وميكرهش حدا ابدآ مهما عمل فيه

7-انتي بتقابلي الشر بالخير ولا الشر بالشر ولا احيانا كده واحيانا كده؟

لا مش بعرف اكون كدة
لو مثلا حد عمل فيا موقف جامد وحابه ارد ليه بجد فعلا مش بعرف

8-هل تؤمني بالحب من اول نظره ؟
لا خالص

9- ما رايك فى العلاقه العاطفيه بين الولد والبنت؟
ليها حدود طبعا واوقات كتير بتكون فاشله مش كلها بتكمل
10-هل الحب من النت غلط ولا صح ؟ ولوكان صح ايه السبب؟ولو كان غلط ايه السبب؟
غلط جدا وانا متأكدة من كدة لانه فعلا بيكون لعب عيال جامد اوى والكلام اللى بيتقال بيكون كله غلط فى غلط مفيش اى حاجة فيه صح عباره عن تسليه ووقت وبيتقضى
11-مين العضو اللى نفسك تبقى زيه؟وليه؟
بصراحة مش عارفه كلكم بتكملوا بعض
12-اكتر واحد بتحبية وهو مش حاسس بيكى وانتى نفسك تخلية يحبك ؟
الحب مش اجبار يعنى فعلا لو عايزة حد يحبنى هخليه يحبنى من نفسه علشان مش احس انى تقيله عليه
13-بصراحه من هم اكثر من اعجبتى بشاخصياتهم من خلال دخولك فى المنتدى؟وليه؟
بأمانة فعلا كلكم بحترمكم اوى وشخصيتكم بتكمل بعضها فعلا لان بجد حاسه ان كلكم بتحبوا بعض جدا
14-شايفة مين أحلى عضو فى المنتدى ومين أرخم عضو ؟؟
مفيش حد رخم كلكم حلوين اوووووووووى

15-مين اكتر عضو فى المنتدى نفسك تشوفيه فى الحقيقه؟
اكيد طبعا كلكم لانى بجد معتبراكم اخواتى ونفسى اشوفكم خفيف طبعا يا كوكو
هو لسه فى لقاء تانى هههههههههههههههه
طيب انا مستنيه على نار اشوف باقى الاسئله

يلا يا احلى اعضاء ورونى باقى الاسئله مستنيه
اللى فات كان سهل خالص ومش تعبت ابدآ
وقولوا معايا تربتاتى اها اها

ميرسى اوى يا كوكو

ساااااااااااااامح بجد انا مستحقش الكلام الجامد ده فعلا ربنا يخليك
انا اللى مش عارفه اشكركم بجد ازاى على محبتكم الجميلة دى

ميرسى كتير يا رينا على اجابتك الجميله دى

ربنا يباركك ويباركـ خدمتك