تعالو شوفو الشباب بتقول ايه للبنات؟

ازيكم اخواتى
بصوا بئى
الشباب بيقولوا ايه للبنات؟؟

1-‏حبيبتى انتى عارفه انا مش بحب حركات الشباب الطايش انا اصلا مبكلمش بنات
(وتلاقيه يعرف طوب الارض )

2-يااااه ياحبيبتى انا حاسس انى اعرفك من زمان
(وهوا تلاقيه متلخبط بينها وبين بنت كان يعرفها قبل كده)

3- حاسس ان فيكى حاجه غريبه غير كل البنات
(اكنها مثلا بتمشى على ايديها ورجليها )

4-انا حاسس ان فى شبه كبير بين افكارى و افكارك احنا اكيد
مخلوقين لبعض
(اكيد دى البنت رقم 100 اللى بيقولها كده
وكأًن كل بنات الدنيا مخلوقين عشانه)

5- حبيبتى انتى اول حب فى حياتى وانا حاسس انى اتولدت يوم ماقبلتك
(على أساس ان والدته كانت حامل فيه 20 سنه وولدته قبل مايقابلها بيومين )

6-يااه يا حبيبتى انتى تؤمرى وانا انفذ اللى انتى عايزاه اجبهولك
(فى المشمش)

7-حبيبتى الطقم اللى انتى لبساه ده تحفه بس متلبسهوش تانى عشان بتبقى حلوه وانا بغيييييير بغيييييييييير
(طبعا فاهمين الحركات دى تلاقيه مش عاجبه اساسا)

8-هكلم باباكى اول ما اكًون نفسى
(موووووووووووت يا عبيط)

9-عايز اشوفك كل يوم كل ساعه كل ثانيه
(عشان اصحابه يتأكدو انها حلوه)

10 حبيبتى افتكرى دايما انى لما بحب بحب بجد وانا حبيتك بجد من اول ماشوفتك وكنت بدور عليكى من زمااااااان (بففففففففف الاسطوانه المشروخه)

11-انا علاقتى بيكى محدش يعرفها غيرى و غيرك و ربنا لانك بقيتى كل خصوصياتى
(يعنى يا دوب اللى يعرفو اخواته و اصحابه و جرانه وقاريبه وصحاب صحابه.....الخخخخ)

12-معلش ياحبيبتى مش هقدر اعدى عليكى بالعربيه النهارده علشان هيا فى التوكيل
(طبعا عارفين شويه الفشخرة دول وهوا اساسا ماعندوش عربيه و اكيد ماعرفش يزوغ بعربيه باباه )

13- ياحبيبتى انتى بتتكلمى فى أيه انا كل عطورى من فرنسا
( ايوه زغلل عنيها ياواد)

14-ياه لما بشوف رقمك على الموبيل قلبى بيتنفض (طبعا من الخضه انها تكون فأسته)

15-فلان قالى اديله رقمك بس انا قلتله اقتلنى قبل ماتاخد رقها منى
(ياااااه على التضحيه وهى ياعينى رقمها مع مخاليق ربنا كلهم)

16-حبيبتى عايز صورتك عشان قبل مانام اشاهد فى جمالك واحطها تحت المخده
(لا وهو الصادق عشان لما يتخانقو يهددها بيها)

17-اسف يا حبيبتى امبارح مقدرتش اكلمك كنت مشغوووول فى المذاكره
(قصده معهوش فلوس او مشغول مع واحده تانيه)

18-اسف يا حبيبتى انى مقدرتش اجى فى المعاد امبارح كان عندى ظروف صعبه
(معزور الولد افتكر معاد البنت التانيه اللى بقاله 3 اسابيع مأجله)

19-عارفه يا حبيبتى انا طول الليل منمتش قاعد بفكر فيكى
(بس على ميين ترد عليه تقوله اومال مين اللى كان نايم و مبيردش على التليفون؟ بس كالعاده الرد جاهز............ياااه انتى تقصدى الخمس دقايق اللى نمتهم دوول؟دول من كتر التفكير فيكى جالى غيبوبه)

20-عارفه يا حبيبتى انا اصلا مش بفتح الماسنجر الا لما بتكونى موجوده اصلا النت من غيرك ما يسواش

(يقصد مش بيفتح البلوك عنها الا اما تكون هيا بس الى اون لين عنده )

هههههههههههههه
يارب يكون عاجبكم

هااااااااااااااااا فين الردود عايزه اكتر الردود هاااا فين

ليه كده بس يا نوسه متخلناش نقلب على بعض

ههههههههههه ميرسى بهاء على مرورك وردك ا

حلوة جدا يا نوسة دى رسالة دمها خفيف وصاحبتها اخف منها بجد king

هههههههههههههههههههههههه
Rolling Eyes

hhhhhh
يا خبر علي كلامك جبتي الكلام دة منين
المزيد بسرعة نوسة دمك خفيف بجد اوووووووووي
هههههههههه

الموضوع اكتر من رائع

ميرسى قوى على الموضوع الجبارده

حلوة يا نوسة اووووووووووى ايوة كدة

ميرسي علي مروركم الجميل شكراااااااااااا

هههههههههههههه حلوة قوي يانوسة واضح من الموضوع انه فيه حبة غيرة علي حبتين غل وحقد

عموما انا بصفتي صعيدي مأصل وبالنيابة عن كل الرجالة اللي في المنتدي واللي واضح ان

الموضوع عاجبهم بدليل ان مافيش حد رد بالمرة غير الشوية المعروفين هأقلك مونولوج للمرحوم

سيد سليمان بعنوان "بريه من الستات " ابقي شوفي اسماعيل يس وانت تعرفيه ههههههههههههههه

» فى اول ليلة جواز شوف العروسة بتقول اية لجوزها
» شوفو الام المصريه بتدعي لابنها ازاي ههههههههههه
» للبنات فقط
» صفات الشباب
» نصائح للاكل بعد الخطوبة طبعا للبنات