أضحك مع البابا

أكيد هيعجبكم طالما لحبيبنا البابا شنودة

يلا هنبدأ:ـــ

1-وانت صاحى:-

واحد بيقول للبابا:

أنا بنام فى اجتماع قداستكم ماذا أفعل؟

أجاب الباب وقاله: ابقى فكرنى أعمل اجتماع وانت صاحى0

2-أبعد عنى يا شط شط:-

واحد قال لقداسه البابا:

الشيطان دايمآ بيحاربنى وبعمل كل حاجة وبرضوا الخطيه موجودة

أجاب البابا وقاله:حاول تتفاهم معاه وقله ابعد عنى يا شط شط0

3-خايف اقولك:-

واحد بيقول للبابا:

انا عندى داء النسيان ماذا أفعل؟؟

فأجاب البابا وقاله:خايف اقولك تنسى بكره0

4

-أم 44:-

واحد عنده 55 وبيسأل قداسه البابا:

أنا نفسى أتجوز لكن عندى 55سنة

رد قداسه البابا وقاله:أذا كان عندك 55سنة يبقى لازم تأخد أم 44

5

-أوعى تأكلى:-

واحده بتسأل البابا وبتقول:

أنا عندى شهوة الأكل بدرجة كبيرة جدآ لدرجة أنى مهما اكون شبعانة أكل تانى

فقال البابا:الحمدلله أن الكاتدرائية مافهاش أكل أوعى تأكلى دراع اللى قاعده جنبك!

6-القاف جيم:-

فى أحد الزيارات للصعيد:

وقف رجل صعيدى من الذين ينطقون حرف القاف جيم فقال للبابا:

أنت حاجة كبيرة ياسيدنا أنت جاموس يقصد (قاموس) فى الكتاب المقدس والمعرفه

فرد قداسه البابا بسرعة بديهته المعروفة عنه :بس فين العجول اللى تفهم يقصد (العقول)0