للشباب فقط !!!!!!!!! وطبعا مفيش مانع ان البنات تدخل

علشان تعرف انك بتحب حد الموضوع سهل جداااا وبسيط اوووووى .. حبة سرحان
على شوية سهر بالليل .. شوية اغانى هابطة وتفكير مستمر .. عصبية زايدة ومرات
تتقلب برومانسية وحنية مفرطة بحيث تبقى ماشى تحضن فى عمود عمود فى شقتك
وتقابل عامل النظافة عندك فى الجامعة بالاحضان كانة ابن خال والدتك من البلد ...
لما الحب يزيد اوى يبقى حبة فشل فى الدراسة .. او العكس .. على حسب دافع الحب

نيجى للاهم بقة .. ازاى تعرف ان حد بيحبك .. ازاى تعرف ان واحدة بتحبك
والكلام خاصة للشباب لانهم فى الغالب اساسا بيبوحو بمشاعرهم على طول
مبيبقوش عندهم فن التقل

شوف يا باشا بقة ازاى تعرف ان البنت اللى قدامك بتحبك
قولها نكتة سخيفة لا معنى لها
وانتظر لترى رد فعلها .. اه والله مش مصدقنى .. اصبر بس معايا للاخر ..
قولها نكتة زى دى مثلا اللى هيا مرة واحد راح يشترى بقرش حلاوة الراجل قالة
معنديش وهو عندة جوة ..
او ممكن بتاعة مرة بطة نزلت تعوم من غير طوق ومكانتش بتعرف تعوم بس سبحان الله
عامت وراحت البر التانى سليمة ... هاهاهاهاها .. كدة يعنى
اللى هيا النكت اللى تجيب شلل فورى دية بتاعة زمان ..


هتقول النكتة ومن رد فعل البنت اللى قدامك هتعرف مشاعرها ...
اذا ضحكت ضحك تمثيليا مبالغا فية ( فتلك الفتاة ترسم على زواج .. وهو ما يشغل بالهااساسا)
فنصيحة لو مبتحبهاش ابعد .. ولو بتحبها بردو ابعد لانك بالنسبالها مجرد صفقة

اذا سخرت منك ومن سخافة النكتة ( فتلك تراك اخا وصديقا لا اكثر )
فنصيحة من خالتك مرمر .. متصارحهاش اساسا بمشاعرك علشان اكيد هتخسرك . . ومش هتعرفوا
ترجعو حتى علاقة الصداقة اللى كانت بينكوا


اذا ضحكت ضحك مجاملة ولم تعلق ( هذا معناة انك مش فى دماغها اساسا )
فى الحالة دية بقولك بردو متصارحهاش بحبك .. لان كدة انت هترخص مشاعرك ..
سيبها وربنا هيعوضك .. بس خلى مشاعرك غاليه ..

اذا ابتسمت ابتسامة يشوبها شئ من الضيق ( فتلك عـــــــــاشقة .. لا تحب ان تراك سخيفا
او غبيا .. ولا تسطيع ان تصارحك بغباء ما قلت لخوفها ان تجرحك .. )


ونصيحتى ليك طبعا .. انحنى لمشاعرها احتراما .. وصارحها بحبك ليها ..
وروح اتقدم وانجز واشكر البطة قصدى النكتة

ابسط يا عم عرفت انها بتحبك .. بس نصيحتى الاخيرة .. صلح الموقف معاها بقة
علشان اساسا اساسا اكيد كرهتك بعد النكتة الهبلة اللى قلتهالها ..
وحوالى 50 او 90 % مش طايقة تبص فى وشك وبتقول يا ميلة بختى حبيت واحد معاق

أى خدمـــــة يا شباب

أنا بحب أساعد..





وطبعا اكيد ده كله هزار لان اكيد مش نكته هى اللى هتحدد مصير 2

ههههههههههههههههههه موضوع هايل يا مرمر
لكل شئ تحت السماء وقت
ولا باختياري ولا باختيارها
ربنا فعلا ساب لينا حرية الاختيار
لكن
برضوا ساب لينا حاجة حلوة اوي
اننا نسلم حياتنا هو اللي يقودها
واللي ربنا يقود حياتة صعب يجي يوم علية ويخسر مشاعرة
ربي يسوع بين يديك حياتي اعطيني الصالح ليا بعينك لا بعيني فها انا اقبل منك اي شئ

ميرسي يا مرمورة ربنا يعوضتعب خدمتك