لازم احكيلك انت ياربى

بأجي يا رب معاك أتكلم
وبتسألني عامل ايه
كله تمام أنا مش متألم
ولا في شيء محتاج ليه
يعني معقول أنت هتظلم
ابنك أو تبخل عليه

لكن اللي لساني نطقه
عكس اللي قلبي بيحسه
من جواه بيرثي لنفسه
و اتحكم فيه خوفه ويأسه

بس بحاول عنك أداري
واتظاهر قال اني سعيد
كأنك مش شايف حالي
أو عن قلبي لسه بعيد

وفي يوم جيت أصلي شوية
فلقيتك مش فرحان بيّ
و قلت لي بتخبي عليّ
يا بني ومانتاش واثق فيّ

فحسيت ساعتها بغلطي
وبقيت مكسوف قوي من نفسي
مهما يكون تعبي أو ضعفي
لازم أحكي لك أنت يا ربي