ضع ثقتك فيه

موضوع: ضع ثقتك فيه الأحد يونيو 14, 2009 11:05 pm

وهذه هي الثقة التي لنا عنده انه ان طلبنا شيئا حسب

مشيئته يسمع لنا. وان كنا نعلم انه مهما طلبنا يسمع

لنا نعلم ان لنا الطلبات التي طلبناها منه.

رساله يوحنا الاولى 14:5

عايزاتكلم معاكم عن الثقه فى ربنا

بعض الاوقات مابنبقاش واثقين فى كلامه مابنبقاش واثقين ان احنا لو طلبنا منه الطلب ده هايسمعلنا

ليه احنا مش واثقين ؟

اوقات بنكون مش واثقين علشان طلبنا طلب وماتنفذى

بصوا يااخواتى ربنا بيسمعلنا وبيحبنا ودايما عايزلنا الافضل دايما عايز يكبرنا

ممكن الطلب اللى انت بتطلبه يكون ضد مشيئته

هو كده كده بيسمع وهو حاسس بيكى هو اللى قال:

فان كنتم وانتم اشرار تعرفون ان تعطوا اولادكم عطايا جيدة فكم بالحري ابوكم الذي في السموات يهب خيرات للذين يسألونه.

هو دايما حاسس بيك يعنى الاشرار بيعطوا اولادهم حاجات كويسه فمابالك بربنا

ربنا الرحيم والمحب والعطوف والملجأ والحنان

ده بيعطى للى بيسأله حاجات اعلى من اللى بيطلبه اعلى من اللى هو عايزه بيديله كل حاجه علشان هو ابن الملك

بس هتقولى فى اوقات بطلب ومابيحصلش لان انت ممكن تكون شايف ان الحل

ان المشكله ديه تتحل بالاسلوب ده مافيش غيره الاسلوب ده غير كده خلاص يارب ماتدخليش ف حاجه تانى

وفى عز ماانت بتصلى وبتطلب من ربنا

بتتكل على ذراع بنى البشر وبتقول

طب انا هعمل كذا وكذا

ليه؟

يبقى فين الثقه اللى عندك جربت قبل كده تسلم مشكله لربنا من غير ماتدخل فيها

صدقنى هتلاقى الحل سهل وحتى لو المشكله ماتحلتش هو بردوا اللى بيقول:

كل الاشياء تعمل معا للخير الذين يحبون الله

بجد انا مش عايزه اطول عليكم بس فعلا كل اللى انا بقوله وهاقوله بيتلخص ف الكلمتين دول

لما تكون عايز حاجه ضع ثقتك فى ربنا كامله مش تطلب

وتروح تشوف تحل المشكله ازاى

بص ماهو انت اللى تبقى ملك وقائد لحياتك ياربنا هو اللى يبقى ملك وقائد لحياتك

اخترت انت اللى تعمل وتنفذ الحاجه اللى فى دماغك او تحصل على الطلب اللى انت عايزه بطريقتك يبقى اوعى تقول فى يوم انا بطلب من ربناوبضع ثقتى فيه وهو مابينفذليش حاجه

اما بقى لو اخترت ربنا هو ده الاختيار الصح اللى هيوصلك لبر الامان يبقى ضع ثقتك كلها فيه
اطلب الطلب وانت متاكد ان ربنا هاينفذهولك واطلب الطلب وانت بتقول لتكن
مشيئتك لا لمشيئتى وسلم المركب كلها لربنا وتسيبه يشتغل وبردوا نقطه معينه
عايزه اقولها قبل ماقفل الموضوع خليك دايما سامع صوته يعنى ربنا ممكن
يستخدمك فى الحصول اللى انت عايزه فلازم تبقى سامع صوته وارشاداته

بجد نهاية الموضوع خلى فى ذهنك دايما الثلاث ايات اللى مكتوبين

ف كل حاجه ف كل طلب فى كل مشكله تاكد
ان ربنا بيحبك وبيحب يسعدك ويديك كل اللى انت عايزه وفى نفس الوقت بيخاف
عليك وبيعمل كل اللى انت عايزه

بس انت اطلب وضع ثقتك وايمانك فيه

وبجد هتلاقى كل حاجه تمام

موضوع: رد الإثنين يونيو 15, 2009 6:42 pm

امــــــوضــوع جمـــــــيــــــــل جدا جدا
ولتكن لا ارداتى بل ارداتك يارب

ميرسي كتيرررررررررررر يوسف علي الموضوع الجميل جدا دة ربنا يخليك للمنتدي ويبارك خدمتك
قلوب

بجد يا يوسف موضوع رائع مرسي جدا ليك وربنا يعوض تعب محبتك وفعلا
كل الاشياء تعمل للخير للذين يحبون الله study

كلام جميل جدااااااا وانا عن نفسي احب اقول عن نقطة ان الواحد بيبقي عايز ربنا يتدخل ويحل المشكله بحل واحد مفيش غيره نتفاجا ان ربنا اتدخل وعمل حاجه تانى واحنا نزعل لكن بعد شوية نلاقي ان الحل بتاع ربنا هو الحل السليم جدا وان رؤيته كاشفه لكل الحقائق اما رؤيتنا احنا كانت غلط ونشكر ربنا

موضوع: رد: ضع ثقتك فيه السبت يوليو 04, 2009 5:44 pm

شكراً على الموضوع الرائع ربنا يباركك ويعوض تعبك Crying or Very sad

( كل الأشياء تحل لى لكن ليس كل الأشياء توافق (1كو12:6

موضوع: رد: ضع ثقتك فيه الخميس يوليو 23, 2009 6:25 pm

ميرسي يا طيار علي تعب خدمتك نرجو المذيد

شكرا اخي العزيز علي موضوعك الجميل المفيد ربنا يباكك ويعوض تعب خدمتك