محتاج رايكم وصلاتكم

ازاي اتخلص من شرب المخدرات انا عايز ابعد عنها لكن مش قادر برجع تاني
ياريت تشوفولي حل ياريت لاني تعبت من السموم دي
وبقول لكل انسان مشربهاش يبعد عنها لانها ضرر جامد
عايز حل ومساعدة منكم
انا عضو في المنتدي بس مش بشارك لكن بقراء مواضيعك دايما بحاول اقرب من ربنا لكن مش قادر
بسبب المخدرات دي اعمل اية

ربنا معاك ويخلصك من العادة ده بس لازم تكون عندك ارادة
اشفنى يارب فأشفى خلصنى فأخلص لأنك أنت تسبيحتى
ربنا معاك ويقويك على أنك تتخلص منها

ربنا يقويك ويكون معاك علي فكرة انبا كاراس شفاعته حلوة جدا اتشفع بيه كده وشوف هايعمل معاك ايه هاتقدر تبطل فعلا السجاية والمخدرات
اولا تبعد نفسك عن اصحابك الي شدوك للطريق ده وتبعد عن الجو ده نهائى
ثانيا روح اعترف ولو مش ليك اب اعتراف وده الاكيد اختار اى حد ترتاح معاه في الكلام واعترفله
خليك زى يوسف الصديق الي رفض يوقع نفسه في الخطية عارف ليه لانه كان شبعان بربنا اوى والنفس الشبعانه تدوس العسل زى ماقلك سامح اقولك علي حاجة احلي
روح خلوة فردية في دير بعيد علشان تبعد خالص عن كل الناس
وهناك هتقابل رهبان كتير شوف اى راهب واتكلم معاه واعترفله وربنا يقويك
اخر حاجة فكر نفسك بلاية الي بتقول انت بلا عزر ايها الانسان
وممكن تشارك واحنا نقدر ندلك علي الطريق الصح ولو انت من مصر انا مستعدة اعرفك طريق شباب كانوا زيك وبيخدموا واستطيع كل شي في المسيح الذى يقوينى ولو عوزت اى حاجة تانى ده منتداك

متنساش تشارك وانا اقدر اعرفك طريق خدمة لشباب انبا موسي بيجيبوا فيها الناس الي كانت في الطريق الي زيك هاتغير حياتك اوى

ياريت بس تدخل تشترك كل الي عليك تشترك وتعرفنى بيك وانا هادلك علطول علي طريق شباب انبا موسي وهما هايقدروا يعلموا كتير بجد بس انت اشترك وماتقلقش حلك عندى هستناك تشترك اوعى تنسي

انت اية اخبارك انت فين
يارب تكون بخير

طمني عليك
العدراء تحفظك وترتب طريقك الصح لانها بتحبنا اوي ياريت تطمني عليك
اخوك سامح

ربنا معاك اخويا العزيز ويبعدك عن طريق الشر ويقربك للخير

يا سموحة فكرة عسل ربنا يستخدم في خدمتة
اذكروني في صلاتكم كلمكم



اوعي تنسي يا ساااااامح

باشا بجد انت راجل زي الفل ونفسي كل واحد يفكر زيك كده عشان مش بس المخدرات لا ده كمان بقي في موضه طالعه اسمها السجاير والشيشه وبقي كل الشباب بلا تفرقه بقيت حاجه سهله جدا وعلي عينك يا تاجر وانا باذن ربنا بجهز لحمله عنوانها لا لتدمير شبابنا والحمله دي مش بس فقط للمسيحيين لا ده هيشارك فيها اخواتنا المسلمين كمان ودي هتبقي من خلالي انا كمسيحي ومعي مساعده من اخوتنا المسلمين في القريب باذن ربنا ولسه بنحضرلها وبجد انا معجب بيك جدا وبجد اي واحد هيشوفك بعد التغيير هتكبر في نظره اكتر واكتر وربنا موجود مهما كان في جحود منا عليه بس صلي ليك وليا عشان تنجح هذه الحمله علي الاقل ولو لواحد في المائه

ربنا يبعد جميع السموم عن جميع اولادة
واللى فيها ربنا قادر يخرجة منها بشفاعة العذراء مريم شفعتينا وامنا وفخر جنسنا
وشفاعة القديس القوى افا كاراس

ياجماعه هو صاحب الموضوع ليه مكتوب باسم زائر

بعد كل الكلام الحلو دا والاهتمام دة والمحبة دى مقدرش اقول غير ان الغير مستطاع عند الناس مستطاع عند الله ربنا يبارك تعب محبتكم خير ومحبة وسلام ويقويك اخويا ربنا معاكم

الخميس 16 يوليو 2009 - 23:26

ياااااااااااااااااااه يا زمن
الموضوع دة من سنتين هههههههههه وجيت صدفة دة منتدي عملتة ولسة عايش
ذكريات جميلة وذكريات سيئةلما بمر للمنتدي دة
ربنا معاك عمر فاني وكلنا لها هههههههههه سلام